Na última xornada desta primeira volta, o Obradoiro – Peleteiro visitaba o campo do Club Baloncesto Ourense nun encontro entre dous equipos co mesmo balance de vitorias e derrotas.

O partido comezou marcado por erros no lanzamento exterior de ámbolos dous equipos e por boas lecturas do equipo visitante, que conseguía un parcial de 0-6 nos primeiros minutos. Sen embargo sería un espexismo, xa que rápidamente os locais fixéronse cargo do ritmo do encontro e, a través de varias triplas, lograban poñerse por diante no marcador.

Pasaban os minutos e a defensa ourensana pechaba todas as vías das penetracións visitantes, caendo o Obradoiro – Peleteiro nun xogo sen apenas circulación, o que ía pouco a pouco minando a súa confianza e ampliando as diferenzas a favor dos locais.

Tras a volta de vestiarios, os de Santiago seguiron loitando por entrar de novo no encontro pero seguían demasiado acelerados no seu xogo e cada intento de remontada era respostado polo COB cun lanzamento exterior.

Merecida vitoria para un COB que foi máis regular ao longo de todo o encontro fronte a un Obradoiro – Peleteiro que deberá seguir traballando para recuperar a súa mellor versión e poder seguir crecendo.

A próxima xornada, o Obradoiro – Peleteiro terá que recuperar o seu mellor nivel para lograr volver a senda do triunfo na súa visita a Carballo, o próximo sábado as 12:00 horas.

Parciais: 20-16, 21-12, 25-19, 14-11.