GK Creativity - шаблон joomla Скрипты

Partido moi sufrido onde o Obradoiro CAB-Cenor puido conseguir o obxectivo de pasar ás semifinais polo título gracias ao basket-average.

Non foi tarefa fácil xa que La Salle saíu moi concentrado desde o primeiro momento e chegou a ter vantaxes no marcador de ata doce puntos no primeiro cuarto. Xa a finais do mesmo o Obradoiro comezou a entrar en partido e chegarían cunha desvantaxe de só cinco puntos. Ao comezo do segundo cuarto o dominio do xogo cambiou e os locais colleron o mando do mesmo facendo un parcial de 20-10 e índose ao descanso cinco puntos arriba no marcador.

Se a saída no primeiro cuarto fora mala a do terceiro cuarto foi todavía peor, con serios problemas en ataque e sobre todo en defensa, onde o balance defensivo brillaba pola súa ausencia. A partir de finais do terceiro cuarto e con lixeiras vantaxes no marcador, o Obradoiro CAB – Cenor soubo xestionar a renda que traía do partido de ida e, aínda que perderon o partido, logra gañar a eliminatoria.

Nas semifinais o Obradoiro CAB-Cenor enfrontarase ao Rosalía de Castro.