Tras un bo inicio, sobre todo ofensivo por parte de ambos equipos, o Cenor – Obradoiro CAB conseguiu xerar boas situacións para anotar, puidendo chegar así ao final do primeiro cuarto cun 24-20 reflectido no electrónico.

O segundo tempo foi o gran tropezó do equipo local, cometendo demasiadas perdas de balón, concedendo moitos puntos de contraataque e errando no rebote defensivo, dando así demasiadas segundas oportunidades de tiro ao rival. Chegábase ao descanso 34-48, con un claro parcial para o COB de 10-28.

Na segunda parte do partido, o Cenor-Obradoiro CAB fixo un intento de saír a loitar polo partido subindo un pouco a intensidade defensiva, pero o COB foi capaz de xestionar ben a renta cunha boa circulación de balón para atopar boas situacións de tiro, para chegar 49-63 ao final do terceiro cuarto.

No último tempo, tras seguir buscando un pouco máis de esforzo, os locais lograron chegar a poñerse a tan só sete puntos do seu rival, pero o elevado número de faltas fixo que o COB gañase puntos desde a liña de tiro libre e desde o rebote ofensivo e a vitoria fose para os ourensáns por 64-82.

O equipo debe seguir traballando en todos os aspectos nos que se errou para xogarse pasar a serie contra o Marín Peixe Fresco no seu campo.