O Cenor – Obradoiro CAB viaxou o pasado sábado ata Lugo para pelexar pola última praza que da acceso ao grupo dos oito mellores equipos de Galicia na categoría infantil. Os obradoiristas pelexaron ata o final o partido pero pagaron o seu mal inicio de encontro contra un duro Estudiantes (80-65).

No inicio do encontro, os lucences romperon o partido cunha forte presión defensiva e rápidas canastras en contraataque (32-14). Pouco a pouco os de Santiago foron entrando no partido e combatendo de igual a igual, sen baixar en ningún momento os brazos e lograron competir o segundo e o terceiro cuarto (15-14 e 16-13).

No derradeiro período, os obradoiristas foron capaces de apretar o marcador pero a vantaxe lograda polos locais no primeiro parcial era demasiado amplía e foron incapaces de culminar a remontada (17-24).

O Cenor – Obradoiro CAB loitará a partir da vindeira semana por evitar o descenso xunto a outros sete equipos de Galicia, esperando rival ao sorteo de calendario.